سەرەتا دەربارە هەواڵ گەلەری ڤیدیۆ چالاکیەکان خولەکان پرۆژه‌ی هاوكاری پەیوەندی

سەردێڕ

سیمپۆزیەمێك لە سەر بەرەنگاربونەوەی توندوتیژی لە كەلار بەڕێوەچوو


Print Friendly and PDF

سیمپۆزیەمێك لە سەر بەرەنگاربونەوەی توندوتیژی لە كەلار بەڕێوەچوو

خانزاد " پەرێز سابیر

سیمپۆزمێك لەسەر خوێندنەوەیەكی ئەكادیمی بۆ چەمكی توندوتیژی دژی ژنان بەبۆنەی ۱٦ ڕۆژەی هەڵمەتی بەرەنگاربونەوەی توندوتیژی دژی ژنان لە شاری كەلار ئەنجامدرا.

رێكخراوی رۆشنبیری و كۆمەڵایەتی خانزاد بە هاوبەشی بەرەنگاربوونەوەی توندوتیژی دژی ئافرەتانی گەرمیان و حكومەتی ئەڵمانیاو رێكخراوی هاوكاری ئەڵمانی و ڕێكخراوی میدیكا مۆندیال لەگەڵ كۆلێژی پەروەردەی زانكۆی گەرمیان بە ناونیشانی خوێندنەوەیەكی ئەكادیمی بۆ چەمكی توندوتیژی دژی ژنان بەبۆنەی ۱٦ ڕۆژەی هەڵمەتی بەرەنگاربونەوەی توندوتیژی دژی ژنان ئەمڕۆ 28ی  تشرینی دووەم ئەنجامدرا .

ڕاگری كۆلێژی پەروەردە حوسێن ئسماعیل، بەناوی سەرۆكایەتی زانكۆ و ڕاگری كۆلێژ و سەرجەم ستافی زانكۆوە بەخێرهاتنی سەرجەم ئامادەببوانی كرد.پاشان سیمپۆزەمەكە بە نمایشی پێشانگایەكی فۆتۆگرافی دەستیپێكرد كە سەرجەم فۆتۆكان گوزارشتبوو لە جۆرەكان وشێوازەكانی توندوتیژی كەلەلایەن فۆتۆگرافەر و ڕۆژنامەنوس كۆسار ئامادەكرابوو . 

لە سیمپۆزیەمەكە چوار بابەت خرانەڕوو كە هەر بابەتێك و لەلایەن كەسانی شارەزاوە پێشكەشكرا، سەرەتا نازدار قودرەت، مامۆستای زانكۆی گەرمیان بابەتێكی پێشكەشكرد سەبارەت بە كاریگەری توندوتیژی لە ڕووی دەروونییەوە.

دواتر مەلا جاسم كەلاری، مامۆستای ئاینی بابەتێكی پێشكەشكرد بە ناونیشانی توندوتیژی دژی ژنان و چارەسەر لەڕووی ئاینی ئیسلامەوە و هەروەها عەقید لەمیعە محمد قادر، بەڕێوبەری بەرەنگاربوونەوەی توندوتیژی دژی ژنان لە گەرمیان، بابەتیكی پێشكەشكرد سەبارەت بە تاوانە ئەلكترۆنییەكان.

دوای ئەویش شۆخان حمە ڕەشید، راوێژكاری یاسایی ، باسی لە یاساكانی تایبەت بە خێزان و پاراستنی ژنان كرد وە تاچەند سوود لەم یاسایانە بینراوە و بەكار دەهێنرێت لە كوردستان .

 كۆتایشدا چەندین پرسیار و سەرنج و تێبینی خرانەڕوو لەلایە ئامادەبوانەوە .

y1.jpg

y2.jpg

y3.jpg

y4.jpg

y5.jpg

y6.jpg

y7.jpg



وێنەی زیاتر


سه‌ره‌تا ده‌رباره‌ گه‌له‌رى كاروچالاكى خوله‌كانمان وۆرك شۆپ سيمينار په‌يوه‌ندى

Cretaed by AVESTA group. All rights received